Je, dirisha la usajili Ligi Kuu ya Uingereza linafunguliwa na kufungwa lini?

Kila kitu kimebadilika kwenye dirisha la usajili Ligi Kuu ya Uingereza mwaka huu, kwa kufunguliwa na kufungwa mapema zaidi ya ilivyokuwa awali.

• Soma na hii - Dirisha la Usajili nchini Italia lafanyiwa mabadiliko

Tarehe mpya zilizopangwa zitahakikisha kwamba taratibu zote za usajili wa wachezaji zitakamilika kabla ya kuwanza kwa msimu wa 2018/19.

Hapa tumekuwekea mambo yeote unayotakiwa kuyajua kuhusiana na dirisha la usajili kwenye majira ya joto, ikiwa ni pamoja na lini dirisha litafunguliwa na ni lini litafungwa, maana yake kwa Ligi Kuu ya Uingereza na  namna inavyokuwa kwa ligi nyingezo barani la Ulaya.

• Soma na hii - Ronaldo anataka Mreno huyu atue Real Madrid

Ligi Kuu ya Uingereza imethibitisha kuwa dirisha la usajili litafunguliwa rasmi siku ya Alhamisi tarehe 17 Mei, 2018 usiku wa manane na kufungwa saa tano usiku tarehe 9 Agosti - badala ya tarehe 31 Agosti kama ilivyokuwa kwa miaka iliyopita.

Sababu ya mabadiliko hayo ni kuviwesha vilabu kuepuka usumbufu katika vikosi vyao mara baada ya msimu mpya wa Ligi Kuu ya Uingereza kuanza tarehe 11 Agosti.

Kwa maana hiyo, vilabu vinaruhusiwa kuanza kusajili wachezaji tarehe 17 Mei.

Makubaliano ya dili za uhamisho wa wachezaji yanaweza kufikiwa kabla ya Mei 17, hata hivyo, kazi ya kutia saini haiwezi kufanyika hadi dirisha litakapokuwa limefunguliwa rasmi.

• Soma na hii - Griezmann aeleza kwanini hatokaa, akubali kujiunga na klabu ya Arsenal tena

Hiyo inamaana uhamisho wa ndani ya ligi unaweza kukamilika kuanzia tarehe 17 Mei usiku wa manane, lakini uhamisho wa wachezaji kutoka nje ya ligi utakamilika wakati mfumo wa uhamisho wa FIFA, "Transfer Matching System (TMS)" utakapofunguliwa rasmi tarehe 8 Juni.

Klabu zinaweza kusajili wachezaji kutoka nchi yoyote ile ili mradi tu dirisha lao la usajili limefunguliwa, ikiwa na maana kwamba vilabu vya Ligi Kuu ya Uingereza bado vina uwezo wa kuendelea kuuza wachezaji wake baada ya dirisha lao la usajili kufungwa tarehe 9 Agosti.

Hiyo ni kwa sababu ligi nyingine zinatofautiana na ratiba EPL na bado madirisha yao ya usajili yatakuwa wazi kwa wakati huo.

• Soma na hii - Jose Mourinho aweka wazi mipango yake kwenye usajili wa majira ya joto

Nchini Ufaransa, dirisha la usajili litafunguliwa tarehe 9 Juni. Italia na Ujerumani litafunguliwa Julai 1 na Uhispania itakuwa tarehe 2 Julai.

Madirisha ya usajili wa ligi zote nne yatafungwa tarehe 31 ya mwezi Agosti.