Guardiola aanza mchecheto kwa Barca.

KOCHA wa Manchester City, Pep Guardiola, ameonesha kuukubali muziki wa Barcelona inayonolewa na Luis Enrique, akisema kuwa hakuna timu inayocheza soka la uhakika kuliko Wacatalunya hao.

Man City watavaana na Barca baada ya timu hizo kupangwa kundi moja kwenye hatua ya makundi ya Ligi ya Mabingwa Ulaya

“Ni mapema (kuwavaa Barca) kuliko ilivyokuwa ikitarajiwa? Vyovyote itakavyokuwa. Tunatakiwa kucheza kwa ubora wa hali ya juu na hakuna timu bora kuliko wao,” alisema kocha huyo mwenye umri wa miaka 45.

Guardiola ameongeza kuwa ni ngumu kucheza dhidi ya mabingwa hao wa La Liga hasa kutokana na uwepo wa Lionel Messi, Luis Suarez na Neymar waliopachikwa jina la ‘MSN’.

“Wako vizuri na kipimo kizuri kwetu. Tumepewa changamoto hii na tunatakiwa kuona tutafikia wapi,” aliongeza Guardiola ambaye msimu uliopita alilikosa taji la Ligi ya Mabingwa Ulaya akiwa na Bayern Munich.

Source: Bingwa

ZeroDegree.