Tetesi za soka barani Ulaya Jumanne Tarehe 16 Januari, 2018

Nyota wa Timu ya Taifa ya Ureno na klabu ya Real Madrid, Cristiano Ronaldo 

Guillem Balague anadai kwamba klabu ya Real Madrid iko tayari kumruhusu Cristiano Ronaldo aondoke Santiago Bernabeu, lakini hofu yao kubwa iko kwa Manchester United ambayo inaonekana kutokuwa na nia ya kumrejesha mreno huyo katika dimba la Old Traford kwa mara nyingine tena.

Crystal Palace wanamtaka rai wa Senegal Khouma Babacar anayekipiga katika klabu ya Fiorentina au Mousa Dembele wa Celtic.

 

Klabu ya Newcastle inafanya mapango wa kumsajili beki wa Crystal Palace, Pape Souare.

Arsenal haijafanya mazungumzo yoyote na klabu ya Bordeaux juu ya uhamisho wa Mbrazil, Malcom. (Sky Sports)

Meneja mpya wa Stoke City, Paul Lambert atapewa bonasi ya pauni milioni 1.5 endapo ataiokoa klabu hiyo isishuke daraja.

Pep Guardiola anatarajiwa kutoa ofa ya pauni milioni 27 kumnasa nyota wa klabu ya Real Sociedad, Inigo Martinez.

Bournemouth imejiunga na klabu ya Everton pamoja na Southampton, kuwania saini ya Theo Walcott kutoka Arsenal.

Burnley wanafanya mpango wa kumsajili winga wa klabu ya Brighton, Solly March.

Nyota anayewaniwa na Swansea, Ryan Fredericks anasema kwamba ataipotezea klabu hiyo na kusaini mkataba mpya Fulham.

Kiungo wa Huddersfield Jack Payne anajiunga kwa mkopo na klabu ya Blackburn inayoshiriki ligi daraja la kwanza.

Mshambuliaji wa Crystal Palace, Keshi Anderson anayeichezea Swindon kwa mkopo anatarajiwa kusaini mkataba wa kudumu katika klabu hiyo.

Southampton wanamtaka beki wa Timu ya Taifa ya Switzerland na klabu ya  Udinese, Silvan Widmer.

Dili la uhamisho wa mkopo la klabu ya Watford kwa mchezaji wa Sunderland, Didier Ndong liko hatari kufa. (Star)

Emre Can

Emre Can anaweza kusaini mkataba mpya katika klabu ya Liverpool, licha ya kwamba Juventus imeonyesha nia ya kutaka kumsajili.

Klabu ya Arsenal ilifanya mazungumzo na mshambuliaji wa Bordeaux, Malcom siku ya Jumapili na inatarajia kulipa pauni milioni 40 kwa kukamilisha uhamisho wa MBrazil mwenye umri wa miaka 20.

Everton wana matumaini ya kumnasa Theo Walcott kutoka Arsenal kwa dau la pauni milioni 20. (Guardian)

Florentino Perez amefikia makubaliano na Neymar juu ya uhamisho wa nyota huyo kwenda Real Madrid, huku mshahara na tarehe ya kukamilisha dili lao vikipangwa. (Don Balon) 

Klabu ya Sevilla ina uhakika wa kumpata mshambuliaji wa Chelsea, Michy Batshuayi kwa mkopo mwezi huu. (ESPN)

Manchester City wamejitoa kwenye mbio za kuwania saini ya Alexis Sanchez baada ya wakala wa raia huyo wa Chile kuhitaji fedha nyingi. (Goal)

Meneja mpya wa Stoke City, Paul Lambert atapewa fedha kwa ajili ya kufanya usajili utakaoiongezea nguvu klabu hiyo.

Arsenal wako kwenye mazungumzo na klabu ya Borussia Dortmund juu ya uhamisho wa nyota wao na raia Gabon, Pierre-Emerick Aubameyang kuchukua nafasi ya Alexis Sanchez.

Klabu ya West Ham inahofu kwamba Andy Carroll anaweza kuwa ameshageuzia mawazo yake Stamford Bridge baada ya kutua mezani kwa ofa ya uhamisho wa mkopo kwenda Chelsea. (Mirror)

Amanda Staveley

Amanda Staveley anaongeza ofa hadi zaidi ya pauni milioni 300 kuinunua klabu ya Newcastle kutoka kwa mmiliki wake wa sasa, Mike Ashley.

Liverpool wana mpango wa kumsajili James Maddison kutoka Norwich mwishoni mwa msimu huu. (Express)

Ryan Giggs anafikiria kumjumuisha Paul Scholes kwenye benchi lake la ufundi linalokaa nyuma ya pazia katika Timu ya Taifa ya Wales.

Jose Mourinho ana uhakika wa kukamilisha uhamisho wa Alexis Sanchez ingawa alisema klabu nyingine ziko kwenye mawindo ya saini ya nyota huyo wa klabu ya Arsenal.

Cristiano Ronaldo ameweka shakani, future yake katika klabu ya Real Madrid baada ya kudai kwamba anahisi kusalitiwa na vigogo hao wa La Liga.

Tottenham wamefanya mazungumzo zaidi na Toby Alderweireld juu ya mkataba mpya. (Daily Mail)

Manchester United imeripotiwa kukataa dili la uhamisho wa Alexis Sanchez toka Arsenal, ambalo linalomhitaji Anthony Martial kama sehemu ya mabadilishano.

West Brom inatarajiwa kutoa ofa ya pauni milioni 12 kwa ajili ya uhamisho wa nahodha wa klabu ya Fulham, Tom Cairney. (Sun)

Pierre-Emerick Aubameyang

Arsenal wanakaribia kumnasa Pierre-Emerick Aubameyang, mkuu wa kitengo cha usajili katika klabu hiyo akisistiza kwamba matarajio yao ni kusajili mchezaji mwenye kiwango cha juu.

Chelsea imejiunga katika mbio za kuwania saini ya Alexis Sanchez, lakini Manchester United wana uhakika zaidi wa kumnasa nyota huyo mbele ya Chelsea kwa kumtumia nyota wao, Henrikh Mkhitaryan kama sehemu ya makubaliano yao. (Telegraph)