Tetesi za soka barani Ulaya Jumatano Tarehe 12 Juni, 2024

Juventus wamepiga hatua katika juhudi yao ya kumsajili kiungo wa kati wa Brazil Douglas Luiz, 26, kutoka Aston Villa. (Sky Sports)

Chelsea wamefufua nia yao ya kumnunua mshambuliaji wa Aston Villa na Colombia Jhon Duran, 20. (Telegraph)

Mlinzi wa klabu ya Chelsea na Uingereza, Levi Colwill, 21, bado ananyatiwa na klabu ya Bayern Munich ambao pia wanataka kumnunua beki wa Ujerumani na Bayer Leverkusen Jonathan Tah, 28. (Sky Germany)

Colwill, hata hivyo, ametulia Chelsea na klabu haitaki kumuuza. (Standard)

Bayern pia wameanza mazungumzo na Leverkusen kumhusu Jonathan Tah. (Bild)

Arsenal wanakabiliwa na changamoto ya kumbakisha mashambuliaji wa chini ya miaka 17 wa Denmark Chido Obi-Martin, 16, ambaye anasakwa na Bayern Munich.

 Ivan Toney, 28

Manchester United wameandaa orodha fupi ya washambuliaji huku mshambuliaji wa Brentford ya Uingereza Ivan Toney, 28, na mshambuliaji wa Lille na Canada Jonathan David, 24, wakizingatiwa sana. (ESPN) 

Manchester United wanajiandaa kuchuana na Arsenal katika harakati zao za kumnunua mshambuliaji wa Bologna Mholanzi Joshua Zirkzee, 23, ambaye ana kipengele cha kuachiliwa kwa pauni milioni 34. (Metro)

Kiungo wa kati wa Ujerumani Pascal Gross, 32, anajadiliana na Brighton kuhusu kuongeza mkataba wake.

West Ham wamempa beki wa Uingereza Ben Johnson, 24, mkataba ulioboreshwa wa miaka mitano. (Athletic)

Klabu za Crystal Palace, Ipswich na Southampton wanamuwania beki wa Rochdale George Nevett ,18, kutoka Wales.

Fulham wanaongoza katika kinyang'anyiro cha kumnunua Silas Katompa Mvumpa, 25, kutoka Stuttgart, huku fowadi huyo wa DR Congo akiwa na thamani ya £15m. (HITC)

Klabu ya Arsenal wako tayari kumuuza mlinzi wa Scotland Kieran Tierney kwa hasara msimu huu wa majira ya, na ofa ya pauni milioni 15 itatosha kumpata mchezaji huyo mwenye umri wa miaka 27. (Football Insider)