Tetesi za soka barani Ulaya Jumatano Tarehe 19 Juni, 2024

Chelsea wanavutiwa na fowadi wa Ubelgiji Lois Openda, Borussia Dortmund wanamtaka Pascal Gross wa Brighton, Southampton wanataka kumnunua tena Danny Ings.

Klabu ya Chelsea wana nia ya kumsajili mshambuliaji wa RB Leipzig na Ubelgiji Lois Openda, 24. (Teamtalk)

Borussia Dortmund wanatumai kumnunua kiungo wa kati wa Brighton na Ujerumani Pascal Gross, mwenye umri wa miaka 33, ili arejee nyumbani kwao msimu huu wa joto. (HITC)

Southampton wanataka kufahamu iwapo wanaweza kumsajili tena Danny Ings kutoka West Ham na wako tayari kulipa hadi £6m kwa mshambuliaji huyo wa zamani wa Uingereza, 31. 

Manchester United wanatathmini iwapo watamsaini mlinda lango wa Genoa Mhispania Josep Martinez, licha ya kuwa Inter Milan tayari wameafikiana na mchezaji huyo mwenye umri wa miaka 26. (Rudy Galetti)

Klabu ya Everton wamekubali kumsaini kiungo wa kati wa Uingereza Tim Iroegbunam, 20, kutoka Aston Villa. (Football Insider)

Leicester City wanakaribia kumteua kocha wa zamani wa Chelsea na Brighton Graham Potter kama meneja wao mpya. (Sun)

West Ham wana lengo la kumsajili mshambuliaji wa Sunderland Muingereza Jack Clarke, 23, msimu huu wa joto. (Football Insider)

Arsenal ina nia ya kuimarisha kwanza safu yao ya kati baada ya kumkosa fowadi wa RB Leipzig kutoka Slovenia Benjamin Sesko, 21. (Athletic)

Klabu ya Birmingham City wana nia ya kumsajili kipa wa Uingereza Ryan Allsop, mwenye umri wa miaka 32, kutoka Hull City. (Birmingham Live)

Klabu ya Manchester United inasalia na nia ya kumsajili mshambuliaji wa Bologna Mholanzi Joshua Zirkzee, mwenye umri wa miaka 23, lakini malipo ya juu yanayohusu makubaliano yoyote yanatatiza hali hiyo. (Sky Germany)

Arsenal wamempa Karl Hein, 22, wa Estonia mkataba mpya kama kipa wa chaguo la tatu wa klabu hiyo. (Caught Offside)

Chelsea wako tayari kukataa ofa kutoka kwa Atletico Madrid ya kumnunua kiungo wao wa kati Conor Gallagher, 24. (Sun)

Gallagher ameiambia klabu ya Chelsea kwamba hatalazimishwa kuondoka katika klabu hiyo msimu huu wa majira ya joto, huku kukiwa na nia ya klabu ya Atletico, Tottenham na Aston Villa kumsajili. (HITC)