Eden Hazard aeleza sababu iliyofanya aonekane bora katika msimu huu

Eden Hazard amesema kwamba kutopata majeruhi imekuwa mchango mkubwa sana katika kiwango chake kuonekana bora zaidi msimu huu, chini ya Kocha Antonio Conte.

Uwezo wa Hazard umeongezeka kwa kiasi kukubwa sana na kumuweka katika fomu msimu huu na amekuwa mmoja wa wachezaji imara na bora katika Ligi Kuu ya Uingereza.

Nyota huyo wa Ubelgiji amefunua kinywa chake na kuzungumzia juu ya kile ambacho yeye anadhani kimemfanya abadilike akiwa na klabu yake ya Chelsea msimu huu.

Hazard alinukuliwa akiogea haya na Daily Express: 

"Kwa msimu uliopita ni dhahiri kwamba kila mtu anajua mimi sikuwa vizuri vya kutosha kama ilivo sasa.

"Lakini hua unajifunza kutokana na makosa yako. Niliachana na kila kitu ilimradi tu nirudi katika kiwango changu na sasa nipo katika hali nzuri.

"Kwa hiyo mimi niliuanza msimu huu vizuri - nikiwa 'fit', na sikuwa na majeruhi na ni bora kwa mtu kucheza wakati ukiwa na utayari wa kufanya hivyo. Ninapenda kufurahia muda wangu ninapokuwa uwanjani. Hivyo hilo ni suala muhimu nililogundua. "